VOV4.Bahnar - “Đơ̆ng dang ei truh hơtuch sơnăm, lơ̆m anih jang choh jang sa păng hơtŏk tơiung tơring tơrang akŏm ăn tĕch tơ̆ teh đak đe dôm tơmam đei yua ‘lơ̆ng vă iŏk đei tơdỏng hơgăt jang tŏk păng tĕch tơ̆ teh đak đe” ‘noh jĭ sơkơ̆t hơdăh đơ̆ng Phŏ kơdră Anih tơm vei lăng găh choh jang sa păng hơtŏk tơiung tơring tơrang Phùng Đức Tiến tơ̆ jơ hop akŏm tơroi tơbăt khei 9 âu ki đei pơgơ̆r tơ̆ Hà Nội.

VOV4.Bahnar - Dôm sơnăm tơ jê̆ âu, anih jang kơ Anih mong jên vei lăng găh Choh jang sa păng Hơtŏk tơiung tơring tơrang tơ̆ Dak Lak hlôi pơih să truh tơ̆ dôm pơlei pơla tơring hơtăih hơtŏ, tơring kon pơlei kon kông. Dang ei hlôi đei hloh 10 rơbâu ŭnh hnam kon pơlei kon kông tŏk iŏk hloh 2 rơbâu ti hlak jên tơ̆ dôm hơnih mong jên Agribank Dak Lak. Gơnang đơ̆ng jên âu kon pơlei đei tơdrong hiôk vă tơmơ̆t jên jang vei lăng ‘long pơtăm, kon tơrong ƀlep pơyan, ưh pă pơmơ̆ng lơ̆m tơdrong chă tŏk iŏk jên đe tơ̆ ‘ngoăih hăm jên cheh lơ nhen hơdrol sơ̆ dơ̆ng bơih.

VOV4.Bahnar - Anih vei lăng kon pơlei dêh char Đắk Lắk pơgơ̆r hop akŏm pơtôch 3 sơnăm tơlĕch Trong jang atŏk tơiung mŭk drăm atŭm, HTX đơ̆ng 2021 - 2025 păng tơdrong jang đơ̆ng Anih vei lăng kon pơlei dêh char bơ̆ jang kiơ̆ nơ̆r pơtho đơ̆ng Anih tơm Chinh trĭ găh hơnơ̆ng tơplih ‘nao, atŏk tơiung păng hơtŏk tơdrong đei yoa găh mŭk drăm atŭm lơ̆m chăl hle.

VOV4.Bahnar Tơplih kơsô̆, tơmơ̆t yua kơmăy kơmŏk ‘lơ̆ng lơ̆m choh jang sa roi ‘năr roi roi ‘năr kon pơlei, anih jang vei lăng teh đak dêh char Dak Lak bơngơ̆t truh. Kiơ̆ đơ̆ng noh, ƀrư̆ ƀrư̆ tơplih trong jang pơm tơlĕch, tơjur jên jang, hơtŏk iŏk yua, tơmam ‘lơ̆ng, hơtŏk ‘lơ iŏk yua ăn kon pơlei, tơgop hơtŏk tơiung mŭk drăm tơring.

VOV4. Bahnar - Tơ̆ dêh char Kon Tum kon pơlei choh jang sa kăl đei ŭnh hơyuh 3 pha vă iŏk yua kmăi kmŏk tih tơgŭm ăn choh jang sa. Mă lei, rim mir pơgar choh jang sa ‘noh tă hơtăih kơ pơlei pơla oei dơ̆ng, kon jên tơmơ̆t jang dăng tơlei ŭnh hơyuh 3 pha tơhoach tôch kơ lơ kơna kơdră tơring păng hơnih jang ŭnh hơyuh kơ dêh char Kon Tum ưh kơ đei kon jên mă pơjing. Tơdrong mă au tŏk bŏk pơm ngơ ngê̆ ăn trong vă jang choh jang sa hăm kmăi kmŏk kơ tơring.

VOV4.Bahnar - Tơ̆ pơlei tơm Cần Thơ, Hơnih tơm vei lăng Coh jang sa păng Atŏk tơ iung tơring tơrang pơgơ̆r Pơma đam hăm hơnăn “Atŏk tơ iung pơtrŭt choh jang sa Pơlei pơla tơring Tơmăn đak kroong Cửu Long”. Pơma đam đei vang năm đơ̆ng rim hơnih mơdro sa, Hơnih vei lăng Coh jang sa păng Atŏk tơ iung tơring tơrang rim dêh char tơring Tơmăn đak kroong Cửu Long.

VOV4.Bahnar - Anih tơm vei lăng găh choh jang sa păng hơtŏk tơiung tơring tơrang tơlĕch tơdrong hơgăt truh sơnăm 2025 gô pơtăm ming păng tơgep ming dơ̆ng dang 107 rơbâu hek tar cheh phe. Khei ‘năr âu ki, dôm dêh char Tây Nguyên hlôi bơ̆jang kiơ̆ pơtăm ming păng cheh hơmet pơgar ‘long. Tơdrong pơtăm ming păng choh hơmet pơ ‘lơ̆ng pơgar cheh phe hlôi iŏk đei 1,2 jơnei ‘lơ̆ng, tơgŭm hơtŏk plei ‘yăl, tơplih ming iŏk yua ăn kon pơlei. Mă lei, tơ̆ 1,2 tơring, hơgăt cheh phe đơ̆ng rŏng pơtăm ming ưh kơ đei iŏk yua lơ.

VOV4.Bahnar – Kơyuơ 'mi kial đak hơbông, lơ dơnâu mong pơnơ̆ đak tơ̆ dêh char Đăk Lăk hư hoch răm truh 73 tih hlj.

VOV4.Bahnar – 'Năr brei (11/9), tơ̆ pơlei tơm Buôn Ma Thuột, dêh char Đăk Lăk, Hla bar tơroi Choh jang xa Việt Nam – anih Juăt pơgơ̆r Hop akŏm tơroh tơmam choh pơtăm đei 970 (Anih tơm Choh jang xa – Hơtŏk tơring tơrang) jang atŭm hăm Anih Choh jang xa – Hơtŏk tơring tơrang Đăk Lăk, Jơnŭm jang Sâu riêng Đăk Lăk, Anih jang Vei lăng 'long pơtăm, Anih jang vei lăng tơdrong 'lơ̆ng, Pơm tơlĕch păng Hơtŏk tơring tĕch răt pơgơ̆r Hop akŏm “Băt hơdah tơdrong tơguăt pơm jang, tĕch tơlĕch sâu riêng ăn teh đak đe sơnăm 2023 păng Trong hơtŏk jang đei jơnei kơjăp gah sâu riêng Việt Nam”.

VOV4.Bahnar - Pơgê 8/9, Anih vei lăng găh kơmăy kơmŏk mơdro sa dêh char Dak Lak pơgơ̆r Hop akŏm tơgoăt hơdai mơdro sa đơ̆ng dôm bơngai pơtruh tơmam đơ̆ng choh jang hăm dôm anih mơdro sa tĕch tơmam tơ̆ teh đak đe sơnăm 2023.