VOV4.Bahnar -Lơ̆m dôm năr âu dêh char Kon Tum đei 3 apŭng pŭ ƀơm ưh kơ ‘lơ̆ng kơtang đơ̆ng ‘năr tơ ngiĕt ‘noh Đăk Glei, Tu Mơ Rông păng Kon Plông. Kŭm hăm ‘năr tơngiĕt jur, lơ tơring oei hơnơ̆ng đei ƀôh tŭk dom păng ‘mi pơm ăn kơ pô rơmo ƀônh kơ đei ƀơm tơngiĕt păng đei jĭ. Vă vei lăng kơpô rơmo khŭl kơdră păng anih vei lăng choh jang sa dôm tơring tơngiĕt hlôi hơtŏk loi dơ̆ng tơroi tơbăt, krao hơvơn kon pơlei tang găn pơngot, tơngiĕt vei sơđơ̆ng ăn kơpô rơmo.

VOV4.Bahnar - Pơgê brei (26/12), Anih vei lăng choh jang xa păng atŏk tơiung tơring tơrang Đắk Lắk jang hơdoi hăm Công ty AVAC Việt Nam pơgơ̆r hop akŏm tơlĕch trong iŏk yoa vacxin tang găn jĭ klak nhŭng Châu Phi tơ̆ dêh char Đắk Lắk.

VOV4.Bahnar - Mât lơ̆m pơyan phang sơnăm ‘nâu, dôm anih jang kơ pal, tơring tơrang tơ̆ dêh char Đắk Nông kơchăng tơlĕch lơ trong jang tang găn tŏ phang pơđang, ưh kơmăh đak lơ̆m tơdrong choh jang xa păng arih xa kơ kon pơlei.

VOV4.Bahnar – Dêh char Đăk Lăk ‘nao tơroi gah tơdrong đei yua kơ pơyan jang kaphê sơnăm 2022-2023. Tơrĕk hloh noh, hloh minh sơnăm kơ âu kaphê đei ƀôh tŏk kơjă hlôi pơm ăn tơdrong choh jang xa hơ-iă ƀiơ̆. Mă lei tơdrong âu adoi pơm tơnap tap ăn dôm anih jang tĕch pơdro hăm teh đak đe, pơkăl kiơ̆ tơchơ̆t kơjung hloh hăm tơdrong vei lăng năng tông tơmam drăm.

VOV4.Bahnar - Tơlĕch jang đơ̆ng năr 7/11 au ki, trang mơdro sa điện tử Chonongsandaklak.vn kơ yuơ Khul kon pơlei choh jang sa dêh char vei lăng, đei pơjing ‘măn ăn tơdrong jang muk drăm tơpôl păng tơgoăt choh jang sa hơdoi, vă tơƀôh tơbăt tơmam drăm, trong jang sa hơdoi păng tĕch mơdro tơmam drăm choh jang sa. 500 hơdrơ̆r tơmam drăm mă blŭng tơ̆ Chonongsandaklak.vn đei tơ iung pơjing vă kon pơlei chă tơroi găh tơdrong tơmam drăm đơ̆ng chă rei pơtăm truh tơ̆ kĕch yoă, phĕ iŏk, tăh ‘nŭng pơjing đei tơmam drăm.

VOV4.Bahnar - Pơgê 19/12, tơ̆ plt Buôn Ma Thuột, Anih vei lăng choh jang xa păng atŏk tơiung tơring tơrang dêh char Đắk Lắk jang hơdoi hăm Anih vei lăng choh jang xa păng atŏk tơiung tơring tơrang dêh char Quảng Ngãi pơgơ̆r Hop akŏm tơlĕch trong tĕch mơdro panwg jang hơdoi vang tĕch tơmam OCOP sơnăm 2023.

VOV4.Bahnar - Tơ̆ plt Buôn Ma Thuột, dêh char Đắk Lắk, Anih tơchĕng hơlen Bri ‘long nhiệt đới Việt Nam ‘nao pơgơ̆r hop akŏm “Tơiung ming cham char bri brăh tơ̆ Đắk Lắk: Tơdrong ‘lơ̆ng păng tơdrong nol”. Tơ̆ âu, dôm bơngai jang khoa hŏk tơlĕch lơ trong jang vă tơiung ming cham char bri brăh lơ̆m tơdrong jang chĕh phe, pơtăm chĕh phe hơdai hăm pơtăm ‘long ‘moi kiơ̆ tŏ ‘mi kial tơplih.

VOV4.Bahnar - Hơmet pơ-'lơ̆ng bri lơ̆m tơdrong jang kaphê, pơtăm kaphê tơguăt hăm pơtăm 'long bri vă pơtrŏ hăm hơyuh tŏ 'mi tơplih. 'Nâu jing minh lơ̆m lơ trong jang đei tơlĕch lơ̆m 'măng pơma đam “Hơmet pơ-'lơ̆ng cham char tơ̆ Đăk Lăk: Trong hiôk păng tơnap tap” kơyuơ Anih jang gah 'long bri nhiê̆t đơ̆i pơgơ̆r ah năr 15/12, tơ̆ pơlei tơm Buôn Ma Thuột.

VOV4.Bahnar - Bơ̆ jang dôm trong jang vang tơgop atŏk tơiung ‘long chĕh phe pran kơjăp, ‘lơ̆ng hăm cham char, khei ‘năr tơjê̆ âu, lơ kon pơlei jang chŭn mir Đắk Lắk hlôi tơchă, rong kơtu iŭ vă tang găn dôm pơrang jĭ, sơdrông phă pơrăm ‘long cheh phe: kơnu kuer dơng, yă de dom, phă hla cheh phe. Tơdrong ‘nâu ưh lăp tơgŭm pơm tơjur ƀiơ̆ jên jang, vei lăng ‘lơ̆ng jơhngâm pran đĕch mă oei hơtŏk tơdrong ‘lơ̆ng ăn chĕh phe dơ̆ng.

VOV4.Bahnar - Tơ̆ dêh char Dak Lak, đơ̆ng rŏng tơdrong asong kơ sô̆ tơring pơtăm, kơsô̆ hơnih tăh hơmet pơ ‘lơ̆ng, đei tơlĕch jang jơ̆p tơ̆ dêh char Dak Lak, hlôi đei rơbâu tấn gui yuăn, nhãn lom, ƀum yuăn păng dang 300.000 tấn sầu riêng tơ̆ dêh char... đei tĕch tơlĕch tơ̆ teh đak đe kiơ̆ trong tơm, hơnhăk ăn iŏk yua lơ. Tơdrong băt rơđăh hơnih pơm tơlĕch, tơmam đơ̆ng choh jang sa ‘lơ̆ng tơ̆ dôm tơring pơtăm păng hơnih tăh hơmet pơ ‘lơ̆ng đei asong kơ sô̆ tơ̆ Dak Lak, hlôi tơƀôh hơdăh đei kơjă ‘lơ̆ng păng kơjăp.