Tơdrong ming man dơnâu pơnơ̆ đak Ia Mơr, đei kơsô̆ jên asong jang hloh 2.600 tih hlj, vă ‘măn ruih đak ăn hloh 14.300ha teh choh jang tơ̆ dôm dêh char Gia Lai păng Dak Lak. Mă lei, đơ̆ng rŏng kơ ming man keh đang, hơdrô̆ mah ruih đak ăn 3.600ha đĕch, ưh kơ mah hăm jê̆ 5000ha nhen tơlĕch jang hơdrol.

Ah jơ pơm jang, Anih jang vei lăng kon pơlei dêh char Gia Lai hlôi pơtruh nơ̆r hăm Anih tơm Choh jang xa păng Hơtŏk tơring tơrang kĭ pơkăp tơdrong jang pơchoh đak ăn dôm tơring đei tơplih đơ̆ng teh pơtăm kơsu ưh đei yua. Ƀô̆ trương Anih tơm Choh jang xa păng Hơtŏk tơring tơrang Lê Minh Hoan drơ̆ng nơ̆r hăm tơdrong pơkăl đơ̆ng dêh char Gia Lai, vei sơđơ̆ng tơchơ̆t hơtŏk jang gah bri, vei sơđơ̆ng tơring sơlam păng hơtŏk pơyua đơ̆ng tơdrong choh jang xa.