Kiơ̆ kơ noh, lơ̆m jăl 3 păng 4, khul bơ̆ jang dăr lăng kơ Hơnih vei lăng Choh jang sa păng Atŏk tơ iung tơring tơrang dêh char Dak Lăk gô iung jang dăr lăng hăt hot tơ̆ hơnih jang păng iung dăr lăng rim tơring pơtăm, hơnih tăh ‘nŭng tơgŭm ăn tech mơdro tơ̆ teh đak đe hlôi đei ƀơk ăn, kĭ tơchơ̆t mã kơsô̆; hơnih pơm tơlĕch, tĕch mơdro plei sâu riêng găh trong bơ̆ jang vei lăng teh đak lơ̆m dêh char. Hơnih dăr lăng ‘noh rim khul jang, bơngai jang đei drơ̆ng jĭ tơ-‘ngla mã kơsô̆ rim tơring pơtăm sâu riêng. Truh dang ei, Hơnih tơm vei lăng Tĕch răt hăm teh đak đe kơ Trung Quốc hlôi ƀơk ăn 68 mã tơring pơtăm hăm hơgăt teh să hloh 2.500ha păng ƀơk mẵ kơsô̆ tăh ‘nŭng ăn 23 hơnih tăh ‘nŭng tơ̆ dêh char Dak Lăk. Kiơ̆ đơ̆ng Hơnih vei lăng Choh jang sa păng Atŏk tơ iung tơring tơrang dêh char Dak Lăk, tơdrong jang dăr lăng u gô tơgop pơm hơtŏk hơnăp jang ‘lơ̆ng đơ̆ng rim pang lơ̆m tơ iung pơjing tơmam drăm sâu riêng kơjăp ‘lơ̆ng.