Iung pơma pơgơ̆r hop akŏm blŭng a, Kơdră chĕp pơgơ̆r Hơnih tơm Pơprŏ tơdrong jang păng Tơmơ̆t jên jang, Kơdră Khul Chih akŏm Nguyễn Chí Dũng tơbăt, lơ̆m jơ ‘năr pơjing trong chih tơbăt Hla bơar Tơbăt Mŭk drăm-Tơpôl đei tơlĕch iung jang kơtang, ‘lơ̆ng lăp đơ̆ng rŏng Hop akŏm ‘măng mă 9 Khul kơdră chĕp pơgơ̆r Trung ương Đảng hloi.

Jang kiơ̆ nơ̆r pơrô̆ jang đơ̆ng Thủ tướng Teh đak, Kơdră chĕp pơgơ̆r Hơnih jang Mŭk drăm-Tơpôl, Khul Chih akŏm hlôi pơgơ̆r pơjao tơdrong jang tôch hơdăh ăn rim bơngai lơ̆m khul vang iung jang pơjing hla bơar tơbăt ‘moi kiơ̆ trong tơlĕch ăn đei Hop akŏm Trung ương 9 pơdrơ̆ng kiơ̆. Trong vă pơjing Hla bơar tơbăt tŏk bŏk đei tơ iung pơjing, pơm pơkeh, đei hơlen tôch kơ brĕ, ‘moi kiơ̆ lơ̆m rim trong pơprŏ hơdrol kơ Hla bơar tơbăt chinh chĭ vă chih tơbăt tơtom rim tơdrong, sơđơ̆ng trŏ lăp.