Đơ̆ng sơnăm 2023 truh năr 19/3/2024, dêh char Dak Lăk đei 8 ‘nu bơngai lôch kơ yuơ jĭ kŏ vơnh, lơ dơ̆ng mă 3 lơ̆m teh đak. Hơdrô̆ đơ̆ng blŭng sơnăm truh dang ei, dêh char au đei 4 ‘nu bơngai lôch kơ yuơ jĭ kŏ vơnh pơm ăn, hơtŏ măt bơngai lôch kơ yuơ jĭ kŏ vơnh pơm ăn lơ̆m pơđĭ sơnăm 2023.
Hơnih vei lăng kon pơlei dêh char Dak Lăk tơbăt, vă pơm dă ƀiơ̆ tơpoh kơtang lang să jĭ kŏ vơnh adoi nhen măt bơngai lôch kơ yuơ jĭ kŏ vơnh pơm ăn, rim hơnih bơ̆ jang păng rim tơring kăl akŏm khul jang vă jang kiơ̆ kơtang rim trong jang tang găn jĭ kŏ vơnh mă dêh char hlôi tơlĕch ăn. Kiơ̆ đơ̆ng Hơnih vei lăng kon pơlei dêh char, trong kăl hloh vă tang găn jĭ kŏ vơnh ‘noh atŏk kơtang ƀet pơgang vaccine tang găn jĭ kŏ vơnh, hơdrin ƀet vaccine ăn hloh 70% akŏp kŏ meo lơ̆m jăl jang 2022 - 2025, lăng truh jơnei 80% lơ̆m jăl jang 2026 - 2030.
Viết bình luận