Sơnăm 2023, jơ̆p teh đak đei 82 ‘nu bơngai lôch kơyuơ jĭ vơnh, lơ̆m tơring Tây Nguyên đei 20 ‘nu, lơ̆m noh dêh char Gia Lai 14 ‘nu păng Đăk Lăk noh 4 ‘nu. Lơ̆m 3 khei blŭng sơnăm âu, jơ̆p teh đak đei 27 ‘nu lôch kơyuơ jĭ vơnh, Đăk Lăk đei 4 ‘nu, Gia Lai 2 ‘nu.

Lơ̆m kơplah noh, pơđĭ 2 dêh char âu tŏk bŏk đei kơsô̆ bơngai ƀet vaccine bơ̆ng jĭ vơnh kơđeh hloh lơ̆m tơring, Gia Lai hơdrô̆ ƀet bơ̆ng jĭ đei hloh 19% păng Đăk Lăk pơtơm đei hloh 37%. Kiơ̆ kơ ƀok Viên Chinh Chiến, Kơdră dơnơm kơ Viê̆n Vê̆ sinh dịch tễ Tây Nguyên, hơbŏ jĭ vơnh pơtoi hơbuh hli hăm bơngai lơ̆m khei năr truh lơ̆m khei năr Tây Nguyên tŏk bŏk ah pơyan phang. Kơyuơ noh rim tơring athei vei hơlen kŏ meo mă tơnăp; drŭt tenh tơdrong ƀet vaccine bơ̆ng jĭ vơnh păng hơtŏk tơroi tơbăt vă kon pơlei băt hơdah tơdrong hli hlơt gah tơdrong jĭ âu.