Kiơ̆ kơ ‘noh, Hơnih vei lăng jang pơgang pơlei tơm Hồ Chí Minh gô tơgŭm ăn hơnih jang pơgang rim dêh char tơring Tây Nguyên lơ̆m pơm hơtŏk gơ̆h hơgei lơ̆m bơ̆ jang tang găn pơrang jĭ; Tơgŭm pơtho tơbăt kih thuơ̆t ƀar păh rim hnam pơgang đa khoa, chuyên khoa tơ̆ tơring lơ̆m pơlei tơm Hồ Chí Minh păng rim Hnam pơgang dêh char tơring Tây Nguyên.

Ƀok Nay Phi La, Kơdră chĕp pơgơ̆r Hơnih vei lăng jang pơgang dêh char Dak Lăk tơbăt, lăp đơ̆ng rŏng drơ̆ng mĭnh nơ̆r rim trong jang hơdoi, hơnih au hlôi chih pơtruh hla bơar athei rim hnam pơgang tơring pơjing trong pơprŏ jang hơdăh vă tơlĕch jang kiơ̆ jơnei dôm tơdrong jang hơdoi. Tơchĕng hơlau, đơ̆ng rong 3 truh 6 khei, hơnih jang pơgang dêh char Dak Lăk gơ̆h iŏk jang mĭnh ƀar kih thuơ̆t bơ̆ jang gĭt kăl mă pơlei tơm Hồ Chí Minh hlôi păng tŏk bŏk jang kiơ̆.