Đăk Lăk hơmet ăn Hop akŏm Đảng ƀô̆ dêh char 'măng mă 18
Thứ hai, 10:45, 09/06/2025
Lan chih tơblơ̆
Lan chih tơblơ̆
VOV4.Bahnar – Anih jang Tĭnh uy Đăk Lăk pơgơ̆r Hop akŏm Ƀan châ̆p hanh Đảng ƀô̆ dêh char 'măng mă 33 (pơih să), pơma đam, tơgop nơ̆r lơ̆m dôm tơdrong chih hơmet ăn Hop akŏm Đảng ƀô̆ dêh char 'măng mă 18, jăl jang 2025–2030.
Ah hop akŏm, rim bơngai tang măt akŏm tơgop nơ̆r lơ̆m tơdrong chih akŏm Tơbang chinh trĭ hăm 17 tơchơ̆t tơm păng 5 grŭp sơnong jang, trong jang dơnơm. Hop akŏm adoi drơ̆ng nơ̆r hăm tơdrong vă pơjing Đảng ƀô̆ dêh char Đăk Lăk ('nao) kiơ̆ pơkăp tơmơ̆t hơdai Đăk Lăk păng Phú Yên. Đơ̆ng rŏng kơ tơmơ̆t hơdai, jơ̆p dêh char gô đei 108 anih jang Đảng oei lơ̆m Tĭnh uy, hăm pơhlom 136.750 đảng viên.
Pơma ah hop akŏm, Ƀĭ thư Tĭnh uy Đăk Lăk Nguyễn Đình Trung pơgơ̆r Jơnŭm jang chih Hla bar kăp gĭt athei chih tôm nơ̆r tơgop, keh đang hla bar kăl pơtruh ăn Hop akŏm. Tơdrong iŏk yua trong jang ƀônh hiôk kơ 2 dêh char đơ̆ng rŏng tơmơ̆t hơdai athei tơguăt hăm hơtŏk tơ-iung tôm tơdrong păng kơjăp sơđơ̆ng.
Viết bình luận