Anih jang Pơtho Pơhrăm dêh char gô pơtruh pơhlom 1.640 kang ƀô̆ lăng hơlen tơdrong pơlong, hơlen châ̆m ƀai pơlong... Kŏng an dêh char pơtruh 136 kang ƀô̆ linh păng 2 tong gre kăp gĭt vă yua lơ̆m tơdrong pơtruh đê pơlong. Anih jang Pơgang Hơmet jĭ jăn pơtruh hloh 20 kang ƀô̆ tơgŭm tơ̆ dôm anih pơlong. Ƀok Trần Sĩ Thành, Phŏ Kơdră Anih jang Pơtho Pơhrăm ăn tơbăt, tơdrong hŏk pơhrăm păng hơmet tôm tơmam drăm, anih pơlong đei tơlĕch jang đơ̆ng blŭng sơnăm, vă vei sơđơ̆ng kơsô̆ bơngai pơlong đâ̆u tôt ngĭp kơpal 98%.

Dang ei rim hnam trưng hlôi keh đang tơdrong hơlen lăm pơlong, asong bơngai lăng hơlen pơlong, hơlen kơmăi camera chŭp rup, tang găn păng Pĭt unh xa. Rim anih jang kơpal tŏk bŏk oei jang hơdoi kơjăp vă 'măng pơlong đei pơgơ̆r sơđơ̆ng, tơnăp trŏ kiơ̆ tơchơ̆t tơlĕch.