Ƀok Dương Văn Trang, Bí thư Đảng dêh char, Kơdră chĕp pơgơ̆r Jơnŭm vei lăng kon pơlei dêh char Kon Tum pơm tơm hop akŏm. Lơ̆m Tơchơ̆t 1761, năr 17/12/2024, Ban Bí thư Trung ương Đảng tơchơ̆t pôk tơmơ̆t vang jang lơ̆m Khul kơdră chĕp pơgơ̆r Đảng dêh char Kon Tum jăl jang 2020- 2025 hăm yă Trương Thị Linh, Tỉnh ủy viên, Kơdră chĕp pơgơ̆r Ban Nội chính Hơnih Đảng dêh char Kon Tum păng Đại tá Nguyễn Thế Vinh, Tỉnh ủy viên, Kơdră chĕp pơgơ̆r Khul ƀô̆ đô̆i dêh char. Pơjao Hla bơar tơchơ̆t đơ̆ng Ban Bí thư ăn kơ yă Trương Thị Linh păng Đại tá Nguyễn Thế Vinh, Ƀok Dương Văn Trang, Bí thư Đảng dêh char, Kơdră chĕp pơgơ̆r Jơnŭm vei lăng kon pơlei dêh char Kon Tum pơma hơdăh, ‘nou mĭnh păh tơdrong hiôk chơt, minh păh hơnăp jang tih tên mă Đảng lui yom pơjao ăn. Ƀok Dương Văn Trang hơpơi ‘meh vă 2 ‘nu kơdră ‘nao jang lơ̆m Khul kơdră chĕp pơgơ̆r Đảng dêh char Kon Tum hơnơ̆ng hŏk pơhrăm hloh dơ̆ng vă tơgăl hăm tơdrong jang đei pơjao.