Sơnăm 2024, tơdrong vei sơđơ̆ng tơpôl chĭnh trĭ tơ̆ Đăk Lăk đei vei kơjăp, mă lei adoi oei ƀôh tơdrong ưh sơđơ̆ng. Gah tơdrong jang chĭnh trĭ lơ̆m anih jang, đei 81 kang ƀô̆, đảng viên pơm glăi luơ̆t tơchơ̆t. Gah hla bar pơtruh tơkêng tơhlâu adoi oei lơ. Gah vei sơđơ̆ng tơpôl, lơ̆m sơnăm đei hloh 1.130 'măng pơm glăi, pơm 21 'nu bơngai lôch. Tơdrong jang tang găn păng tơjră xa pơjĭp kơnê̆ sơnăm 2024 Đăk Lăk hlôi tơlĕch hơlen pơm kiơ̆ dôm tơchơ̆t gah tơroi hơdah tơ̆ 30 anih jang.

Pơma pơgơ̆r hop akŏm, ƀok Nguyễn Đình Trung, Ƀĭ thư Tĭnh uy Đăk Lăk pơgơ̆r dôm jăl jang pơtoi vei sơđơ̆ng chĭnh trĭ, vei sơđơ̆ng tơpôl, sek tơlang tơtom dôm tơdrong đei ƀôh vă vei sơđơ̆ng hơtŏk mŭk drăm tơpôl. Akŏm tơgŭm ăn rim Anih jang Kơpal kơ dêh char pơgơ̆r sek tơlang tơnăp dôm tơdrong tơsŭl tơsăl gah teh, tơdrong kon kông, tơdrong khop ưh đei lê̆ đe ayăt, bơngai đei đon tơchĕng kơnê̆ iŏk yua vă phă pơrăm.