Lơ̆m noh đei: asong kiơ̆ tơchơ̆t đơ̆ng jên mong Trung ương ăn dôm tơring vă pơm kiơ̆ dôm tơchơ̆t pơyua ăn tơpôl kơyuơ Trung ương tơbang lơ̆m dôm sơnăm 2023 - 2024 păng tơgŭm kla jên ăn kơsô̆ bơngai pơtho ƀiên chê̆ đei asong ăn sơnăm hŏk 2022 - 2023; asong kiơ̆ tơchơ̆t đơ̆ng jên mong trung ương ăn dôm tơring vă pơm kiơ̆ Tơdrong jang Hơtŏk vei lăng hăm teh đei đơ̆ng dôm anih mir đak lar mă dang ei kơyuơ dôm kŏng ti choh jang xa, jang gah bri nai, unh hnam, tơ-'ngla iŏk jang; pơkăp thuê̆ vei lăng rơgoh cham char hăm đak xăng, đak dâu, luil lơ̆m sơnăm  2025.  

Kiơ̆ kơ noh, Anih jang Thương vŭ Kuôk hô̆i drơ̆ng nơ̆r tơbang tơchơ̆t asong pơdui khei năr pơm kiơ̆ Tơchơ̆t kơsô̆ 09 hăm jên huach tơdăng noh 1,44% jên akŏm, huach ƀao hiêm xah hô̆i, ƀao hiêm ưh đei tơdrong jang păng pơdui truh đĭ năr 30/6/2025. Anih jang Thương vŭ adoi tơrĕk, âu jing trong jang vă vei sơđơ̆ng pơm jang vei lăng, ƀâo hiêm xah hô̆i lơ̆m khei năr tam mă đei tơchơ̆t 'nao păng tŏk bŏk oei pơm kiơ̆ pơkăp bot 'lơ̆ng jơnŭm jang tơ̆ ƀao hiêm xah hô̆i Việt Nam kiơ̆ Tơchơ̆t  18.