Pơma tơ̆ hop akŏm, Thủ tướng Phạm Minh Chính tơroi rơđăh: Khŭl kơdră teh đak, Thủ tướng Teh đak bơnê tơdrong jang hơdai, tơgŭm, vang yak hơdai đơ̆ng Quốc hội, đơ̆ng đĭ đăng kơdră chĕp kơ̆l Quốc hội lơ̆m kơplăh pơjing păng pơdrơ̆ng kiơ̆ dôm luơ̆t, tơdrong tơchơ̆t tơ̆ dôm ‘măng hop akŏm âu ki kơ Quốc hội, mă loi ‘noh jĭ ‘Măng hop akŏm mă 8.

Jơ năr tŏ sĕt, ‘meh vă lơ, Thủ tướng athei dôm bơngai tang măt hơtŏk hơnăp jang, akŏm đon hơgei, tơroi tơbăt, pơma dơnuh kơđeh, tôm; pơma nơ̆r tơgop hơđăh nơ̆r, năm tơpăt lơ̆m dôm tơdrong tơm. Tơ̆ hop akŏm, dôm bơngai tang măt mơ̆ng tơroi tơbăt đơ̆ng Khŭl kơdră teh đak găh tơdrong pơgơ̆r tơlĕch jang kiơ̆ dôm luơ̆t, tơdrong tơchơ̆t đei Quốc hội jăl XV pơdrơ̆ng kiơ̆ tơ̆ ‘Măng hop akŏm mă 8; kơdră chĕp kơ̆l dôm anih tơm, anih jang Trung ương păng tơring tơroi tơbăt nơ̆r pơma tơgop.