Kiơ̆ Anih vei lăng jang kơmăy, tĕch mơdro dêh char Lâm Đồng, tơdra adrol tơdrong ‘mĕh vă răt tơmam ƀât hơtuch sơnăm păng ƀât Têt Nguyên đán Ất tỵ 2025 lơ̆m dêh char tŏk 5% pơting hăm sơnăm sơ̆.

Vă pơm lăp hăm tơdrong ‘mĕh vă chă răt tơmam, dôm bơngai pơdro, anih pơtruh pơtruh tơmam tơ̆ dêh char ‘măn răk tơmam đei kơjă hlŏh 1.820 ti hlak jên, mă lơ ‘nŏh jĭ 5 grŭp tơmam yoa kăl đei tơmam xa, tơmam hơdrih, tơmam đơ̆ng choh jang xa đei păng đak xăng, đak dâu. Ƀok Trần Như Hùng Tấn, Kơdră 1 siêu thị tih tơ̆ plt Đà Lạt ăn tơbăt, ‘ngoăih kơ ‘măn măh mai tơmam, rim siêu thị oei tơlĕch trong tĕch tơmam hăm kơjă sơđơ̆ng ‘lơ̆ng, chih măt ưh đei hơtŏk kơjă tĕch hăm lơ tơmam yoa.