Akhan Việt Nam ‘mĕh pơm gơng tơƀưh, pơm hơtŏk tơdrong jang hơdoi đơ̆ng Qatar, UAE, Saudi Arabia hăm ASEAN păng dôm teh đak Đông Nam Á, Thủ tướng athei dôm teh đak hơtŏk tơdrong jang hơdoi đơ̆ng Việt Nam hăm Khul jang hơdoi tơring Ving (GCC); lui bơngai tang măt păng dôm anih tang măt ăn dôm teh đak hơnơ̆ng pơm gơng tơƀưh kơjăp ‘lơ̆ng, vang tơgop ‘lơ̆ng hlŏh dơ̆ng vă hơmet kơjăp păng tưk tơiung tơdrong pơvei jang hơdoi ‘lơ̆ng hơiă đơ̆ng Việt Nam păng Saudi Arabia, UAE, Qatar.

Dôm bơngai tang măt pơma hơdăh, Saudi Arabia, UAE, Qatar tôch năng kăl tơdrong jang hơdoi hăm Việt Nam, atŭm hăm ‘nŏh kiơ̆ đơ̆ng âu vă pơih xă, pơm gơng tơƀưh ăn ASEAN păng GCC. Akhan, hrei ‘nâu tơdrong jang hơdoi đơ̆ng Việt Nam hăm dôm teh đak oei tŏk tôch ‘lơ̆ng, dôm bơngai tang măt lui tơ̆ hơnăp kơnh, tơdrong pơvei đơ̆ng Việt Nam hăm 3 teh đak hơnơ̆ng tŏk pran, đei yoa, iŏk đei hrôih dôm tơdrong hơgăt mă 2 păh tơlĕch nhen thoi nơ̆r pơma đơ̆ng Thủ tướng.