Phŏ Thủ tướng Lê Thành Long pơma hơdăh Đảng, Khŭl kơdră teh đak Việt Nam ling lang lăng kăl tơdrong hơmet ming păng hơtŏk tơiung tơdrong pơvei tơbôl, jang hơdai gĭt kăl tôm tơdrong Việt Nam - Trung Quốc, ‘nâu jĭ ‘meh vă ‘lơ̆ng, rơih iŏk gĭt kăl păng tơgŭm hơdrol lơ̆m tơdrong jang tơgŭm tơbôl hiôk hian, pơm tơ ‘ngla kơdih, lơ trong jang đơ̆ng Việt Nam.

Vă hơmet pơ ‘lơ̆ng păng hơtŏk trong jang hơtŏk tơiung ‘lơ̆ng hơiă đơ̆ng tơdrong pơvei 2 Đảng, 2 teh đak tơ̆ hơnăp âu kơnh, mă loi ‘noh jĭ lơ̆m sơnăm 2025 tơbăt 75 sơnăm pơjing tơdrong pơvei tơbôl 2 teh đak, Phŏ Thủ tướng Lê Thành Long athei Bơngai tang măt Hà Vĩ păng Anih jang tang măt ăn Trung Quốc tơ̆ Việt Nam pơtrŭt dôm anih jang kơpal Trung Quốc jang hơdai kơjăp hăm dôm anih tơm, anih jang, tơring Việt Nam tơlĕch jang kiơ̆ jơnei drơ̆ng nơ̆r păng hlôh vao atŭm kơdră kơpal, pơvei păng hơtŏk tơdrong joăt joe ‘lơ̆ng hơiă tơƀơ̆p, pơma dơnuh hơnơ̆ng đơ̆ng Khŭl kơdră chĕp kơ̆l gĭt kăl păng rim kơdră kơ 2 Đảng, 2 teh đak.