Lơ̆m 172 hơnih ‘long kŏng răt iŏk tơmam drăm choh jang sa lơ̆m dêh char Kon Tum lăp đei 20 hơnih ‘long kŏng đei tôm rơvơn bơ̆ jang. Găh uơ oei đei truh 88 hơnih ‘long kŏng kăl plôih hŭt, pơjing tơ̆ nai; 64 hơnih ‘long kŏng kăl pơm hơmet dơ̆ng hla bơar ‘noh mă gơh bơ̆ jang. Jang kiơ̆ nơ̆r pơrô̆ jang đơ̆ng Hơnih vei lăng kon pơlei dêh char Kon Tum, khul kơdră rim apung, pơlei tơm lơ̆m dêh char tŏk bŏk iung jang kơtang xek tơlang kơhret dôm tơdrong pơm glăi kơ hơnih ‘long kŏng. Pơm glăi găh lơ kơ rim hơnih ‘long kŏng răt iŏk tơmam drăm choh jang sa lơ̆m dêh char Kon Tum ‘noh ưh kơ pơm kiơ̆ nơ̆r apĭnh jang mơdro sa; ưh kơ pơm kiơ̆ tơdrong tơchơ̆t kơ khôi luơ̆t lơ̆m ƀơk ăn hla bơar drơ̆ng nơ̆r đĭ khei ‘năr gơh iŏk yoa mă lei ưh kơ pơm kiơ̆ tơdrong hơlen ou. Hơnih ming man ‘long kŏng ưh kơ ƀlep tơ̆ hơnih teh ăn asong ming man; hơnih ‘long kŏng pơjing ƀơ̆t jơnih hơmơt đei tơdrong sar bar trong nơnăm, tim mă đei drơ̆ng nơ̆r ăn pơlăp kiơ̆ tơdrong tơchơ̆t.