Tang măt ăn khul kơdră Đảng, Teh đak, Thủ tướng Phạm Minh Chính pơtruh nơ̆r hmach chơt hơ iă Noel ‘lơ̆ng rŏ hơbŏ nhen ăn rim ƀok soi hăm kon pơlei lui khop Tơring khop Lào Cai. Thủ tướng sơkơ̆t hơdăh, Đảng, Teh đak hơpơi ‘meh vă rim ƀok soi, yă giĕng, đe jơ̆ng ƀang ling lang “Kŭp yom ƀok Ei dei ‘mêm kơ eng Teh đak”, “Hơrih sa ‘lơ̆ng lui kơjăp", tơgop kơtang lơ̆m tơdrong atŏk tơ iung teh đak păng hơnhăk tơgoăt tơgoăl Việt Nam - Vatican roi năr roi ‘lơ̆ng liĕm. Thủ tướng sơkơ̆t hơdăh, Đảng, Teh đak Việt Nam ling lang pơm kiơ̆ kơjăp trong jang mơ̆ng kơdih lui khop kơ kon pơlei, yom kiơ̆ păng pơjing rơvơn vă rim răih bơngai adoi nhen rim tơdrong lui khop pơgơ̆r, vang iung jang tơ iung pơjing, vei lăng Teh đak. Thủ tướng athei khul kơdră đảng, kơdră chĕp pơgơ̆r rim tơring tơrang dêh char Lào Kai păng rim tơring tơrang lơ̆m teh đak atŭm hăm Hơnih bơ̆ jang vei lăng Lui khop Khul kơdră Teh đak hơnơ̆ng dăr lăng hơlen kơjăp dôm tơring tơnap tap vă tơtom tơgŭm djru kon pơlei; vei lăng năng tông kon pơlei đei pơgơ̆r ‘lơ̆ng hơ iă pơyan Noel ‘lơ̆ng rŏ hơbŏ nhen.