Hop akŏm pơgơ̆r hăm trong kơtă, hơdai hăm trực tuyến truh tơ̆ dôm hơnih pơih pơdăh tivi đơ̆ng trung ương truh tơ̆ apŭng, tơ̆ xăh. Hop akŏm vă vei kơjăp dôm tơdrong tơm, tơdrong ‘nao, kăl đơ̆ng hla ar chih hop akŏm Trung ương Đảng ‘nao pơgơ̆r đơ̆ng ‘năr 10/4 truh ‘năr 12/4.

Dôm bơngai tang măt đei vei kơjăp 3 tơdrong jang. Mă mônh ‘noh jĭ găh dôm hla ar pơtruh ăn Hop akŏm 14 kơ Đảng. Tơdrong jang 2 găh hơmet ming Khôi luơ̆t tơm teh đak păng khôi luơ̆t; trong vă jang pôk rơih Bơngai tang măt Quốc hội jăl 16 păng bơngai tang măt Jơnŭm pơgơ̆r kon pơlei rim tơring jăl jang 2026 - 2031.

Tơdrong jang 3 găh hơnơ̆ng proh hơmet khŭl jang tŏ sĕt bơngai, hơgei, đei yua, ‘lơ̆ng; hơmet ming tơmơ̆t dơ̆ng dôm tơdrong hơgăt đơ̆ng Đảng đei ƀơm truh tơdrong proh hơmet tŏ sĕt bơngai jang.