Bơngai mă pêng lôch đơ̆ng glăih taih tơ̆ dêh char Kon Tum ƀơ̆t 10 jơ năr 7/5. Tơ̆ trong blŏk tơ̆ hnam đơ̆ng jang pơm hnam đe, ƀok Nguyễn Hồng, 63 sơnăm oei tơ̆ tơring Đăk Hring, apŭng Đăk Hà ‘noh glăih taih hê̆. Ƀôh lơ lou kon pơlei chơ ba ƀok năm tơ̆ hnam pơgang tơring Đăk Hring ming hơmet mă lei ưh kơ kĕ.Lơ̆m jơ ‘năr glăih taih ƀok Hồng tŏk bŏk đei ‘mi. Hơdrol kơ ‘năr 26/4 lơ̆m apŭng Ngọc Hồi, dêh char Kon Tum jei đei 2 ‘măng glăih taih pơm ăn 2 ‘nu bơngai lôch păng rơka.