Iung pơma pơtôch, Tổng Bí thư pơma hơdăh: Lơ̆m jăl jang ou ki, hăm tơdrong hơdrin kơtang đơ̆ng pơđĭ lơ̆m Đảng, lơ̆m khul ƀô̆ đô̆i kŏng ang păng pơ đĭ khul chinh trĭ, teh đak bơ̆n hlôi iŏk đei lơ tơdrong jơnei hơ iă, đei apŭng plĕnh teh hôn bơnê păng kon pơlei lăp đon, mă kăl lơ̆m tang găn sa pơgơ̆m pơjĭp, pơm glăi păng hơmet pơ ‘lơ̆ng Khôi luơ̆t tơm teh đak. Ban Nội chính Trung ương jĭ hơnih jang kăl hloh lơ̆m iŏk đei jơnei ou.

Găh tơdrong jang truh ou kơnh, Tổng Bí thư athei pơđĭ khul chinh trĭ hơdrin iung jang ƀar tơdrong jang kăl hloh ‘noh: truh sơnăm 2030, Việt Nam jing teh đak jang sa iŏk đei jô̆ hơtŏ dih băl lơ hloh; truh sơnăm 2045, jing teh đak atŏk tơ iung jang sa iŏk đei lơ.

Mă kăl, kăl pơchoh trong xek tơlang keh đang tơdrong pơhoach brăh brư, pơm glăi mă lei xek tơlang jei trŏ lăp, tơpăt ‘lơ̆ng.