Ƀok Trần Đức Lương, rơnĕh ‘năr 5/5/1937; pơlei tơ̆: xăh Phổ Khánh, apŭng Đức Phổ (dang ei ‘nŏh thĭ xăh Đức Phổ), dêh char Quảng Ngãi. Oei tơ̆ kơsô̆ hnam 298, kơphô̆ Vạn Phúc, phường Liễu Giai, kuơ̆n Ba Đình, plt Hà Nội. Vang jang kăch mang đơ̆ng khei 2/1955; mât jang Đảng Cộng sản Việt Nam ‘năr 19/12/1959.

Khei ‘năr bơ̆ jang

Khei 2/1955 truh khei 9/1955: Ƀok đei krao lĕch tơ̆ tơring găh Tu, hŏk sơ cấp ki thuơ̆t teh Anih tơm jang Kơmăy tĕch mơdro.

Khei 10/1955 truh khei 8/1959: Ƀok jang ki thuơ̆t lơ̆m dôm Khul grŭp chă hơlen năng teh; hŏk ƀô tŭk Trung cấp găh teh 8 khei.

Khei 9/1959 truh khei 3/1964: Ƀok pơm Bơngai vei lăng Grŭp chă hơlen teh 4, Khul hơlen teh 20, Bí thư Chi đoàn Grŭp chă hơlen teh 4, jang lơ̆m Khul kơdră chĕp kơ̆l Đoàn Thanh niên Lao động, Anih hơlen năng teh, Kơdră jang lơ̆m khul chĕp kơ̆l.

Khei 4/1964 truh khei 8/1966: Ƀok pơm Phŏ Khul hơlen năng teh 20; Bí thư Chi ƀô̆, Kơdră jang lơ̆m khul chĕp kơ̆l.

Khei 9/1966 truh khei 1/1970: Ƀok jĭ sinh viên, pơm Bơngai vei lăng Lăm hŏk chuyên tu chă hơlen tơmam lơ̆m teh (K11) Đại học Mỏ địa chất; jang lơ̆m Khul kơdră chĕp kơ̆l Đảng tơ̆ Hnam trưng, Bí thư Đoàn hnam Trưng (sơnăm 1969). 

Khei 2/1970 truh khei 8/1975: Ƀok pơm Phŏ Kơdră Anih chih Lakak chă hơlen năng teh; Kơdră jang lơ̆m Khul chĕp kơ̆l Đảng tơ̆ Anih chih Lakak chă hơlen năng teh.

Khei 9/1975 truh khei 9/1977: Ƀok hŏk tơ̆ Hnam trưng Nguyễn Ái Quốc  Trung ương; pơm Bí thư Chi ƀô̆ lăm.

Khei 8/1977 truh khei 7/1979: Ƀok pơm Phó Liên đoàn, Kơdră vei lăng pơgia kơ Liên đoàn chih Lakak chă hơlen năng teh, Kơdră Anih chă hơlen năng teh; Bí thư Đảng Liên đoàn, Kơdră jang lơ̆m Khul kơdră chĕp kơ̆l Công đoàn Anih chă hơlen năng teh; Kơdră jang lơ̆m Khul kơdră chĕp kơ̆l Tổng Công đoàn Việt Nam.

Khei 8/1979 truh khei 1/1987: Ƀok pơm Kơdră chĕp kơ̆l Anih chă hơlen năng teh, Bí thư Khul pơgơ̆r đảng lơ̆m Anih jang; hŏk lăm vei lăng mŭk drăm 4 khei tơ̆ Anih tơchĕng hơlen mŭk drăm kơ teh đak Liên Xô (sơnăm 1981). Bơngai tang măt Quốc hội jăl VII, Phŏ Kơdră vei lăng, Kơdră vei lăng Anih jang Khoa hŏk păng ki thuơ̆t kơ Quốc hội; Phŏ Kơdră Anih Trung ương Khul jang tơbôl Việt - Xô.

Tơ̆ Hop akŏm bơngai tang măt lơ̆m teh đak ‘măng mă V kơ Đảng (khei 3/1982), Ƀok đei pôk pơm Kơdră jang Hiă lơ̆m Khul kơdră chĕp kơ̆l Trung ương Đảng. Tơ̆ Hop akŏm bơngai tang măt lơ̆m teh đak ‘măng mă VI kơ Đảng (khei 12/1986), Ƀok đei pôk jang lơ̆m Khul kơdră chĕp kơ̆l Trung ương Đảng.

Khei 2/1987 truh khei 8/1992: Ƀok pơm Phŏ Kơdră Jơnŭm pơgơ̆r teh đak; pơm bơngai tang măt Quốc hội jăl VIII; Kơdră tang măt ăn teh đak Cộng hoà xã hội chủ nghĩa Việt Nam tơ̆ Khul tơgŭm băl mŭk drăm (SEV). Tơ̆ Hop akŏm bơngai tang măt lơ̆m teh ‘măng mă VII kơ Đảng (khei 6/1991), Ƀok đei pôk jang dơ̆ng lơ̆m Khul kơdră chĕp kơ̆l Trung ương Đảng.

Khei 9/1992 truh khei 8/1997: Ƀok pơm Phó Thủ tướng teh đak Cộng hoà xã hội chủ nghĩa Việt Nam. Tơ̆ Hop akŏm bơngai tang măt lơ̆m teh đak ‘măng mă VIII kơ Đảng, Ƀok đei pôk jang lơ̆m Khul kơdră chĕp kơ̆l Trung ương Đảng, đei Khul kơdră chĕp kơ̆l Trung ương Đảng pôk jang lơ̆m Anih tơm Chinh trĭ (khei 6/1996).

Khei 8/1997 truh khei 11/2007: Ƀok pơm Kơdră teh đak Cộng hoà xã hội chủ nghĩa Việt Nam, Kơdră Anih vei lăng sơđơ̆ng teh đak (khei 9/1997); Kơdră jang lơ̆m Khul kơdră chĕp kơ̆l Anih tơm Chinh trĭ (khei 1/1998). Tơ̆ Hop akŏm bơngai tang măt lơ̆m teh đak ‘măng mă IX kơ Đảng, ƀok hơnơ̆ng đei pôk jang lơ̆m Khul kơdră chĕp kơ̆l Trung ương Đảng, đei Khul kơdră chĕp kơ̆l Trung ương Đảng pôk jang lơ̆m Anih tơm Chinh trĭ (khei 4/2001). 

Ƀok jang lơ̆m Khul kơdră chĕp kơ̆l Trung ương Đảng dôm jăl đei jăl V, VI, VII, VIII, IX; Kơdră jang lơ̆m Anih tơm Chinh trĭ jăl VIII, IX; Kơdră chĕp kơ̆l Anih tơm Chinh trĭ jăl VIII; Phŏ Kơdră Jơnŭm pơgơ̆r teh đak đơ̆ng khei 2/1987 truh khei 9/1992; Phó Thủ tướng teh đak đơ̆ng khei 10/1992 truh khei 8/1997; Kơdră teh đak Cộng hoà xã hội chủ nghĩa Việt Nam, Kơdră Anih vei lăng sơđơ̆ng teh đak jăl X, jăl XI; pơm bơngai tang măt Quốc hội dôm jăl VII, VIII, X, XI.

Ƀok đei Đảng, teh đak asong pơdơ̆h hưu kiơ̆ tơdrong hơgăt đơ̆ng ‘năr 1/1/2008.

Yoa đei kŏng tih tên, tôch rơgei, vang tơgop ‘lơ̆ng ăn tơdrong jang kăch mang đơ̆ng Đảng păng hơdrĕch hơdrung, Ƀok đei Đảng, Teh đak hơpăh ăn Mê đai sơnglŏng dreng, Grat 65 sơnăm jang Đảng păng lơ mê đai, tơmam hơpăh kăp gĭt nai đơ̆ng teh đak Việt Nam păng apŭng plenh teh.