Tổng Bí thư tơƀôh hơdăh tơmam jang hơdai đơ̆ng 2 tơring păng pơma hơdăh athei tơmơ̆t hơdai Kon Tum păng Quảng Ngãi ‘noh jĭ hơyak năm gĭt kăl vă pơjing anih bơ̆jang đei pơgơ̆r tih, tơmam hơtŏk tơiung tŏk lơ, jing jang tŏk kơ tơring Tŏk bŏk - Tây Nguyên.

Tổng bí thư athei pơjing trĕng lăng hơtŏk tơiung ‘nao, tơklep tơring Hơlĕch - Pơmơ̆t, tơroi trong tơlĕch jang mă lăp kơ teh đak, yak truh jang tŏk rơgoh, kơjăp păng tơdrong jang lơ hơnih kơdrơ̆m. Hơdai hăm ‘noh, Tổng Bí thư athei hơmet ăn mă ‘lơ̆ng Hop akŏm Đảng bộ rim tơring, bơ̆jang kiơ̆ ƀlep trong jang, veh ver akŏm kơmăy kơmŏk, vei sơđơ̆ng ‘lơ̆ng tơdrong ‘nao đơ̆ng tơmơ̆t hơdai.