Tổng Bí thư Tô Lâm pơma hơdăh, Nam Định – Hà Nam – Ninh Bình jĭ 3 tơring teh đei 3 tơdrong ‘lơ̆ng hơiă hơdrô̆ băl, mă lei vang hơdai akŏm dôm tơdrong kăp gĭt joh ayŏ - jơhnơr hơrih - kon bơngai gĭt kăl păng lei lăi băl. Tổng Bí thư hlôi tơblang hơdăh 6 tơdrong tơm ‘lơ̆ng păng ưh kơ ‘lơ̆ng vă Trung ương drơ̆ng nơ̆r tơchơ̆t tơdrong tơmơ̆t hơdai 3 dêh char, gô pơm đei teh rơkăh lơ vă pơjing 1 tơdrong jang khŭl kơdră chĕp kơ̆l tơring hơgei, tơmơ̆t bơ̆jang kiơ̆ tơdrong kăl akŏm - hrĕnh - đei yua.

Vă iŏk jang đei yua dôm tơmam ‘lơ̆ng, đei yua păng đei tơgŭm ăn băl đơ̆ng 3 tơring kơ dêh char Ninh Bình ‘nao, Tổng Bí thư athei, jăh tơtĕnh jang đang tơdrong proh hơmet khŭl jang kiơ̆ tơdrong jang khŭl kơdră chĕp kơ̆l tơring 2 tăl kiơ̆ ƀlep tơdrong Tơchơ̆t 60 păng Pơtôch 150 đơ̆ng Anih tơm Chĭnh trĭ. Kăl kơ tơlĕch jang 1 trong ‘lơ̆ng, kơjăp, vei sơđơ̆ng ‘lơ̆ng hơnơ̆ng đơ̆ng tơdrong jang, veh ver pơm tơsŭl tơsăl lơ̆m tơdrong hơrih sa kon pơlei păng tơdrong jang pơm tơlĕch tĕch mơdro.