Pơma tơ̆ jơ hop akŏm, Thủ tướng Phạm Minh Chính pơma hơdăh, tơdrong pơgơ̆r Pơdă tơƀôh jơnei mŭk drăm tơpôl ƀlep ƀơ̆t tơbăt 80 sơnăm Năr Quốc khánh ‘noh jĭ tơdrong tih, hơnat, pơm tơdrong păr ang jơnei 80 sơnăm kơ teh đak truh bôl buăl apŭng plĕnh teh, kon pơlei, hơtŏk dơ̆ng jơhngơ̆m chhôk ‘nă hơdrĕch hơdrŭng yak mơ̆t lơ̆m chăl ‘nao - chăl jang tŏk đơ̆ng hơdrĕch hơdrŭng hơtŏk tơiung hơgei, hơnŭk hơnoa, kon pơlei đei phĭ tơnŏ, hiôk chơt.

Kiơ̆ đơ̆ng roi tơbăt, Thủ tướng hơlen lăng tơdrong đei hơmet ăn hơlen, mă lei kăl kơ hơdrin hloh dơ̆ng hăm jơhngơ̆m pơ hnŏng mă dêh, hơdrin mă tih, bơ̆jang athei kơtang. Thủ tướng tơƀôh ăn athei chhơ̆ đei tơdrong bơ̆jang kiơ̆ 2 hơnăp jang gĭt kăl vei lăng păng pơjing teh đak; pơm tơdrong ‘lơ̆ng vă teh đak yak mơ̆t chăl ‘nao; kon pơlei đei sa yua jơnei âu găh jơhngơ̆m đon ‘mêm kơ teh đak.