Tơ̆ jơ tơƀơ̆p pơma dơnuh, Phŏ Thủ tướng Hồ Đức Phớc hlôi tơl lơ nơ̆r apĭnh đơ̆ng bơngai tăh hla, roi tơbăt lơ tơdrong ƀơm truh tơmơ̆t jên jang ming man bơnơ̆ jih đak dơsĭ tơ̆ phường Quy Nhơn, vei lăng hla ar hŏk, tang găn tơmam ya, pơgơ̆m tĕch mơdro păng hơlĕnh pơvĕr kiơ̆ lơ̆m mạng. Găh proh hơmet anih bơ̆jang, Phŏ Thủ tướng akhan, tơdrong pơm tŏ sĕt bơngai jang tơgŭm khŭl kơdră bơ̆jang đei yua, tơ jê̆ kon pơlei hloh.

Phŏ Thủ tướng pơma hơdăh tơdrong hơgăt jang tŏk tơ̆ 2 kơsô̆ vă hơnhăk teh đak yak mơ̆t lơ̆m jăl jang hơtŏk tơiung ‘lơ̆ng, hơnŭk hơnoa. Vă iŏk đei tơdrong hơgăt ‘noh, kăl kơ tŭn pran tơplih tơdrong jang tŏk, pơtrŭt tơplih kơsô̆, tơplih rơgoh, tơplih ‘nao gơh hơgei, hơmet ming bơ̆jang păng tơdrong jang tơgŭm thuê̆, jên.