Thủ tướng Phạm Minh Chính ră hơdah, hơtŏk mŭk drăm tơ-'ngla pơm tơm jing sơnong jang kăp gĭt kơ tơdrong jang mŭk drăm teh đak. Thủ tướng ră hơdah, tơdrong hop akŏm ou vă tơmơ̆ng Jơnŭm jang IV tơroi hơdah vă tơlĕch minh ƀar sơnong jang pơm kiơ̆ Tơchơ̆t 68 gơh jơnei keh kong; hơdrol hloh noh athei pơklaih dôm tơhlăk tơhlĭn gah pơkăp pơm jang, kơlih tơchơ̆t jang noh jing jơhngơ̆m păng trong jang tơm ăn hơtŏk tơ-iung. Thủ tướng lui ngeh, dôm tơdrong tơplih đơ̆ng Tơchơ̆t 68 đei tơbang, pơm trong tơplih gah đon tơchĕng, jơhngơ̆m pran ăn hơtŏk tơ-iung.

Hơpơi 'meh tơplih 5 triu unh hnam jang tĕch pơdro jing tơdrong jang mŭk drăm, anih jang mŭk drăm iĕ jing anih jang mŭk drăm tih, anih jang mŭk drăm tih noh athei tih hloh dơ̆ng,  đei anih dơ̆ng kơjăp lơ̆m apŭng plenh teh. Atŭm hăm noh sơkơ̆t hơdah, tơdrong kăp gĭt hloh noh hơvơn đei jơhngơ̆m jang đơ̆ng kon pơlei, anih jang mŭk drăm kơlih jơhngơ̆m jang pơtơm đơ̆ng đon tơchĕng păng sơkơ̆t jang, jơhngơ̆m pran pơtơm đơ̆ng tơdrong tơplih 'nao păng gơh hơgei, jơhngơ̆m pran pơtơm đơ̆ng kon pơlei păng anih jang mŭk drăm.