Tơ̆ jơ sơng, Tổng Bí thư Tô Lâm sơkơ̆t hơdah, 'măng năm tơmang noh kăp gĭt, tơgop lơ̆m tơdrong jang hơtŏk tơbôl Jang tôm tơdrong Việt Nam - Nhật Bản. 

Tổng Bí thư Tô Lâm sơkơ̆t hơdah Việt Nam khŏm mă pơm kiơ̆ pơkăp tơplih 'nao lơ̆m tơdrong hơmet 'lơ̆ng hanh chinh, tơlĕch dôm tơdrong jang lơ̆m “Puăn tơdrong jang dơnơm” hăm tơdrong hơtŏk khua hŏk, kơmăi kơmŏk tơplih 'nao, hơmet bot 'lơ̆ng jơnŭm pơgơ̆r jang kơ anih jang chinh trĭ, pơklaih dôm tơdrong tơhlăk tăk vă pơih trong ăn hơtŏk tơ-iung 'nao, lăng tơdrong jang mŭk drăm tơ-'ngla pơm tơm jing tơdrong kăp gĭt kơ tơdrong jang mŭk drăm, hăt hot jang hơdoi đei jơnei lơ̆m apŭng plenh teh, pơm trong hiôk hloh ăn kon pơlei păng anih jang mŭk drăm lơ̆m teh đak păng tơ̆ teh đak đe. Tổng Bí thư pơtruh nơ̆r, 2 pah dah hơtŏk jang hơdoi tơgŭm dih băl lơ̆m dôm tơdrong jang lơ̆m apŭng plenh teh păng lơ̆m tơring, mă kăl noh lơ̆m khei năr tơpôl lơ̆m apŭng plenh teh đei lơ tơplih 'nao.