‘Măng năm ngôi tơ̆ teh đak Hàn Quốc đơ̆ng Tổng Bí thư Tô Lâm mă âu gô tơgop hơmet kơjăp hlŏh dơ̆ng đon lui chinh trĭ đơ̆ng 2 teh đak, atŭm hăm ‘nŏh tơbăt 1 khei ‘năr gĭt kăl, pơih đei chăl ‘nao ăn tơdrong pơvei Hàn - Việt. Lơ̆m ‘măng năm ngôi tơ̆ teh đak Hàn Quốc, kơsơ̆ brei, Tổng Bí thư Tô Lâm sơng ƀok Ahn Gyun Back, Kơdră Grŭp Ngĭ si jang tơbôl Hàn - Việt.

Tổng Bí thư Tô Lâm athei 2 Grŭp Ngĭ si jang tơbôl hơtŏk tơdrong jang hơdoi, tơiung hơnăp jang pơm gơng tơƀưh kiơ̆ tơdrong Drơ̆ng nơ̆r jang hơdoi đơ̆ng 2 Quốc hội, vang tơgop dăr lăng, pơjing tơdrong ‘lơ̆ng găh luơ̆t ăn tơdrong jang hơdoi kiơ̆ tơdrong drơ̆ng nơ̆r mă 2 teh đak hlôi kĭ pơkăp, hơtŏk tơdrong pơvei jang hơdoi Việt - Hàn roi đunh roi ‘lơ̆ng păng đei yoa, kơjăp đunh; atŭm hăm ‘nŏh hơtŏk tơdrong jang hơdoi, tơgŭm băl lơ̆m dôm hop akŏm nghị viện tơ̆ tơring păng lơ̆m apŭng plenh teh.