Ăn tơgop nơ̆r lơ̆m Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t Lý lịch tư pháp, Thủ tướng Phạm Minh Chính akhan, Luơ̆t hơgăt tơplih ăn kơ Anih tơm vei lăng Kŏng an vei lăng lý lịch tư pháp ‘noh jĭ hơyak tơ jur pơm hla ar hành chính, tơ jur tơdrong hơlam ăn kon pơlei, anih mơdro sa, dôm anih jang, bơ̆jang kiơ̆ tŏ sĕt bơngai, bơ̆jang đei yua, ‘lơ̆ng păng jơnei.

Thủ tướng athei Anih tơm vei lăng Kŏng an hơnơ̆ng chă hơlen lăng dôm tơdrong hơgăt đơ̆ng apŭng plĕnh teh, dôm bơngai joăt jang, bơngai pŭ ƀơm truh vă chih pơkeh Luơ̆t, vei sơđơ̆ng bơ̆jang kiơ̆ mưh tơlĕch ăn. Tơ̆ ‘măng hop akŏm, dôm bơngai jang lơ̆m Khŭl kơdră teh đak ăn tơgop nơ̆r lơ̆m Luơ̆t Pơtho pơhrăm đăi hŏk (tơplih); Luơ̆t Pơtho pơhrăm tơdrong jang (tơplih); Luơ̆t Hla ar chih kơtơ̆ng ang (tơplih) păng Hla ar athei đơ̆ng Khŭl kơdră teh đak găh Tơdrong jang pơjing khôi luơ̆t sơnăm 2026.