Pơma pơtôch hop akŏm, Tổng Bí thư Tô Lâm tơchĕng ‘lơ̆ng tơdrong adrin đơ̆ng Anih chĕp kơ̆l Đảng kơ Khul kơdră teh đak, Anih jang Đảng kơ Anih tơm jang Tư phap, Anih jang Đảng kơ Anih tơm vei lăng jên hu, Anih jang Đảng kơ Anih tơm Khoa hŏk păng kơmăy kơmŏk păng Anih jang Đảng kơ dôm anih tơm, anih jang kơpal lơ̆m khei ‘năr ưh kơ đunh hlôi jang kĕh tơdrong jang tôch lơ, tôch pơmat tat păng tơlĕch lơ trong hơmet pơ ‘lơ̆ng dôm tơdrong pơmat tat, tơhlăk tăk yoa đơ̆ng luơ̆t. Blŭng a, dôm tơdrong tơhlăk đei chă ƀôh athei hơmet pơ ‘lơ̆ng hloi, ưh gơ̆h lê̆ sư găn trong tơdrong jang tŏk păng athei pơjing tơdrong ‘lơ̆ng hiôk hian.

Tơ̆ hơnăp kơnh, athei, Anih jang Đảng kơ Quốc hội, Anih jang Đảng kơ Khul kơdră teh đak pơgơ̆r chih tơlĕch dơ̆ng 1,2 khôi luơ̆t lơ̆m Tơdrong jang chih pơjing luơ̆t sơnăm 2025 đơ̆ng Quốc hội, kiơ̆ đơ̆ng hop akŏm mă 10 kơ Quốc hội jăl XV vă sek tơlang hloi dôm tơdrong oei tơhlăk ƀơm truh tơ̆ luơ̆t; Anih jang Đảng kơ Khul kơdră teh đak athei pơgơ̆r hơlen năng, pơm ‘lơ̆ng, chih hơdăh trong sek tơlang dôm tơdrong pơmat tat, tơhlăk tăk đei chih akŏm lơ̆m khei ‘năr âu ki.