Tơ̆ dôm tơdrong pơma đam, Kơdră teh đak  Ai Cập Abdel Fattah Al Sisi sơkơ̆t hơdah, 'măng năm tơmang Kơpal đơ̆ng Kơdră teh đak păng Khul kơpal tang măt ăn Việt Nam jĭ gru kơnăl kăp gĭt, pơih minh jăl jang hơdoi 'nao ăn tơdrong jang tơbôl kơ 2 teh đak đơ̆ng rŏng hloh 60 sơnăm iung jang tơbôl păng hơtŏk tơbôl jang hơdoi tôm tơdrong.

Ƀar ƀok kơdră hlôi pơđăp gah tơdrong hơtŏk mŭk drăm – tơpôl kơ rim teh đak, bơnê kơ dôm tơdrong hơtŏk kăp gĭt lơ̆m jang tơbôl Việt Nam - Ai Cập, sơkơ̆t hơdah tơdrong khŏm mă hơtŏk ăn jang hơdoi 2 pah lơ̆m tôm tơdrong jang. Pơma đam gah dôm tơdrong đei ƀôh lơ̆m tơring păng lơ̆m apŭng plenh teh mă 2 pah atŭm tơrĕk truh, Kơdră teh đak bơ̆n Lương Cường bơnê kơ sơnong pơm kơdranh, pơ-'lơ̆ng ăn Ai Cập lơ̆m tơdrong chă trong sek tơlang tơblah tơblŭng tơ̆ tơring.