Ƀlep ƀât ‘măng năm ngôi tơ̆ teh đak Ai Cập, Kơdră teh đak bơ̆n, ƀok Lương Cường păng hơkăn ƀok kŭm hăm bơngai tang măt ăn Việt Nam hlôi tơƀâp kăn ƀô̆, bơngai jang tơ̆ Anih tang măt, dôm anih jang păng bơngai dơ̆ng tang ăn tơpôl bơngai Việt Nam tơ̆ Ai Cập. Hăm jơhngâm đon chơt hơiă, tang măt ăn kơdră chĕp kơ̆l Đảng păng teh đak, Kơdră teh đak bơ̆n, ƀok Lương Cường pơtruh ăn đĭ đăng tơpôl bơngai Việt Nam oei arih xa, hŏk pơhrăm păng bơ̆ jang tơ̆ Ai Cập, đe kăn ƀô̆, bơngai jang tơ̆ Anih tang măt ăn Việt Nam kŭm hăm unh hnam đe sư jơhngâm đon ‘mêm bơnê păng dôm nơ̆r thơ thou ‘lơ̆ng hơiă hlŏh.

Tơroi ăn kon pơlei Việt tơ̆ Ai Cập, Kơdră teh đak ăn tơbăt, đơ̆ng rŏng vă jê̆ 40 sơnăm tơplih ‘nao, Việt Nam oei hơđơ̆ng jơhngâm yak mât lơ̆m chăl ‘nao, chăl jang tŏk pơdrŏng păng hơnŭk hơnoa, adrin vă gơ̆h jang tĕh đak oei vă tŏk pơdrŏng đei anih jang kơmăy kơmŏk pran ‘lơ̆ng, đei iŏk yoa lơ lơ̆m sơnăm 2030, păng truh sơnăm 2045, jing teh đak pơdrŏng, iŏk yoa lơ. Kơdră teh đak lui, mih ma duch nă hơnơ̆ng tưk tơiung tơdrong juăt ‘mêm kơ teh đak, vang pơjing tơpôl pran kơjăp, pơm kiơ̆ khôi luơ̆t păng mât oei xa hơdai ‘lơ̆ng hăm tơpôl tơ̆ âu, vang tơgop ăn tơdrong jang tŏk kơ teh đak Ai Cập kŭm nhen tơdrong pơvei kơ 2 teh đak; atŭm hăm ‘nŏh vei kơjăp Nơ̆r Yoăn păng tơdrong juăt ‘lơ̆ng đơ̆ng sơ̆ kơ hơdrĕch hơdrung, roi tơƀôh dơ̆ng ăn dôm jơhnơr đơ̆ng rŏng dơ̆ng.