Iung pơma tơ̆ jơ tơƀơ̆p, Kơdră chĕp pơgơ̆r Teh đak Lương Cường pơma hơdah, lơ̆m 78 sơnăm ou ki, mă kăl ‘noh đơ̆ng rŏng vă jê̆ 40 sơnăm tơplih ‘nao, Đảng, Teh đak hlôi pơjing lơ trong tơgŭm djru bơngai đei iŏk yoa ăn kĕch mang păng dôm tơdrong jang tơgŭm djru ‘noh ling lang hơmet pơ ‘lơ̆ng; rim tơdrong jang “nhă đak chăm kơtu”; tơdrong jang “Đĭ đăng kon pơlei vei lăng năng tông rim ŭnh hnam ƀô̆ đô̆i rơka, ƀô̆ đô̆i lôch dŏng teh đak păng dôm bơngai đei iŏk yoa ăn kĕch mang” roi năr roi atŏk kơtang lang să; tơgop lơ̆m vei lăng năng tông ‘lơ̆ng ăn bơngai đei iŏk yoa ăn teh đak lơ̆m teh đak. Lơ̆m khei năr kơnh, Đảng, Teh đak gô hơnơ̆ng hơmet pơ ‘lơ̆ng trong jang tơgŭm ăn, khôi luơ̆t găh tơgŭm djru ăn dôm bơngai đei iŏk yoa ăn Teh đak, chă hơvơn rim khul tơpôl vă bơ̆ jang ou roi năr roi jang kiơ̆ ‘lơ̆ng, tơnăp hloh dơ̆ng.