Thủ tướng Phạm Minh Chính ‘nao kĭ Tơchơ̆t găh tơdrong pơjao pơm Kơdră kơplăh dang ei Anih vei lăng kon pơlei dêh char Đắk Lắk jăl jang 2021 - 2026 hăm ƀok Nguyễn Thiên Văn. Kiơ̆ tơdrong Tơchơ̆t âu, ƀok Nguyễn Thiên Văn, Phŏ Kơdră Anih vei lăng kon pơlei dêh char đei pơjao pơm Kơdră kơplăh dang ei Anih vei lăng kon pơlei dêh char đơ̆ng ‘năr  6/5/2025 klĕp truh hơmet pơkeh kơchư̆k jang Kơdră Anih vei lăng kon pơlei dêh char jăl jang 2021 - 2026. Ƀok Nguyễn Thiên Văn rơneh sơnăm 1973, bơngai Yuăn, pơlei pơla tơ̆ Nghệ An. Hŏk đang Ki sư Choh jang sa, Cử nhân Luật, Thạc sĩ Hành chính công. Hŏk đang lý luận chính trị: Cao cấp.

Ƀok Nguyễn Thiên Văn hlôi đei pơm Phŏ Kơdră, đang kơ ‘noh Kơdră Khŭl jang Hơp tak xăh dêh char Đắk Lắk, Bí thư Đảng apŭng Ea Súp. Khei 6/2023, ƀok Nguyễn Thiên Văn đei Jơnŭm pơgơ̆r kon pơlei dêh char Đắk Lắk pôk pơm Phŏ Kơdră Anih vei lăng kon pơlei dêh char. Hơdrol kơ ƀok Văn đei pơjao pơm kơdră kơplăh dang ei, Anih vei lăng kon pơlei dêh char Đắk Lắk ưh kơ đei bơngai pơm Kơdră yua đơ̆ng ƀok Nguyễn Ngọc Nghị apĭnh pơdơh kơ bơ̆jang păng Jơnŭm pơgơ̆r kon pơlei dêh char Đắk Lắk ăn pơdơh jang đơ̆ng ‘năr 25/4/2025.