Tơ̆ jơ sơng, Tổng Bí thư Tô pơma hơdăh, Việt Nam hơnơ̆ng năng kăl păng hơpơi ‘mĕh pơm hơtŏk tơdrong pơvei păng jang hơdoi lơ tơdrong hăm Thái Lan – teh đak jê̆ băl, đei tơdrong pơvei ‘lơ̆ng đơ̆ng sơ̆, atŭm hăm ‘nŏh jĭ teh đak tĕch mơdro păng tơmât jên jang gĭt kăl hăm Việt Nam.  

Tổng Bí thư Tô Lâm pơma hơdăh 1,2 tơdrong tơm lơ̆m tươdrong jang hơdoi Việt Nam – Thái Lan tơ̆ hơnăp kơnh: Athei 2 păh hơnơ̆ng hơmet kơjăp đon lui chinh trĭ kiơ̆ đơ̆ng hơtŏk tơdrong jang hơdoi lơ̆m rim anih jang Đảng, Teh đak păng tơdrong pơvei đơ̆ng kon pơlei, hơnơ̆ng pơgơ̆r ăn khul jang kơpal năm ngôi, pơm anuh hăm băl; vei kơjăp trong jang hơdoi đơ̆ng Khul kơdră teh đak atŭm păng dôm trong jang hơdoi hlôi đei dang ei đơ̆ng 2 teh đak kŭm nhen tơchĕng hơlen pơm hơtŏk dôm trong jang hơdoi ‘lơ̆ng hlŏh dơ̆ng păng pơjing lơ trong jang hơdoi ‘nao hai.