Tơ̆ âu, dôm bơngai kră juăt chih hla ar tơroi, kơdră chĕp kơ̆l anih chih hla ar tơroi roi tơƀôh dôm tơdrong kăl găh pơjing trong pơgơ̆r jang lăp ‘lơ̆ng, tơlĕch trong hơmet ming Luơ̆t Chih hla ar tơroi, tơplih hăm kơmăy sô̆ păng atŏk tơiung hăm lơ kơmăy kơmŏk.

Kơdră Quốc hội tơchĕng ‘lơ̆ng dôm tơdrong tơgop đơ̆ng Hla ar tơroi lơ̆m tơdrong jang kăch mang, atŭm hăm ‘nŏh pơma hơdăh truh tơdrong tơplih ‘nao đon tơchĕng chih pơjing luơ̆t, lăp chih dôm tơdrong găh hơnăp jang đơ̆ng Quốc hội đĕch, ưh gơ̆h chih tơlĕch dôm tơdrong ƀơm truh tơdrong hơgăt, tơdrong tơchơ̆t đơ̆ng anih jang kơpal. Quốc hội vă hơnơ̆ng pơjing tơdrong ‘lơ̆ng, hiôk hian, klăih song hơnăp jang mă rơđăh, pơjao đon kơchăng ăn Khul kơdră teh đak mưh jang kiơ̆ khôi luơ̆t, vă hơtŏk tơdrong đei yoa mưh pơgơ̆r bơ̆ jang kiơ̆ khôi luơ̆t, pơm hiôk hian ăn tơdrong jang tŏk mŭk drăm, tơpôl kơ teh đak.