Tơchơ̆t 68 tơlĕch tơchơ̆t truh sơnăm 2030 păng sơkơ̆t jang truh sơnăm 2045 'nhăk mŭk drăm tơ-'ngla pơm tơm hơtŏk tơ-iung pran, kơjăp sơđơ̆ng; kơchăng vang pơm tơlĕch, tĕch tơmam lơ̆m jơ̆p apŭng plenh teh; kĕ tơgar lơ̆m tơring păng lơ̆m kơpal teh. Hơdrin truh sơnăm 2045 đei tŏ sĕt jat noh 3 triu anih jang mŭk drăm pơm jang, tơgop hloh 60% GDP. Pơma ah hop akŏm, Thủ tướng Phạm Minh Chính tơbang 8 grŭp tơdrong jang, trong jang pơkăp tơplih 'nao, hơtŏk tơ-iung tơplih pran kơtang.

Lơ̆m noh, ră hơdah tơdrong tơplih 'nao đon tơchĕng, drơ̆ng nơ̆r păng pơm jang, tơ-iung tơdrong hơpơi 'meh kơ kon pơlei, pơm trong vă hơtŏk mŭk drăm tơ-'ngla pơm tơm. Thủ tướng sơkơ̆t hơdah, ou jĭ tơdrong gĭt kăl mă blŭng, kăp gĭt hloh, athei đei tơdrong drơ̆ng nơ̆r đơ̆ng tôm anih jang chĭnh trĭ, anih jang mŭk drăm păng kon pơlei gah sơnong jang, anih dơ̆ng kơ mŭk drăm tơ-'ngla pơm tơm lơ̆m tơdrong jang mŭk drăm.