Quảng Ngãi – Kon Tum pơđăp gah trong tơmơ̆t hơdai anih jang Pơtho pơhrăm
Thứ hai, 10:48, 19/05/2025
Lan chih tơblơ̆
Lan chih tơblơ̆
VOV4.Bahnar – Tơ̆ pơlei tơm Kon Tum, Anih jang Pơtho Pơhrăm dêh char Quảng Ngãi hlôi akŏm pơm jang hăm Anih jang Pơtho Pơhrăm dêh char Kon Tum vă pơđăp gah dôm tơdrong đei tơrĕk truh tơmơ̆t jang hơdai kơ 2 anih jang ou.
Kiơ̆ pơkăp, đơ̆ng rŏng tơmơ̆t hơdai, anih jang Pơtho Pơhrăm dêh char Quảng Ngãi 'nao gô vei lăng hloh 925 anih pơtho pơhrăm, jê̆ 456.000 hŏk tro păng hloh 31.400 kan ƀô̆, bơngai pơtho, bơngai jang. Gah jơnŭm pơgơ̆r jang, 2 pah drơ̆ng nơ̆r gah trong asong 8 anih juăt jang lơ̆m anih jang ou, hăm kan ƀô̆ kơ 2 dêh char atŭm pơm jang vă vei sơđơ̆ng tơdrong pơm jang gơh tơnăp, trŏ hăm tơdrong hơrih păng tơdrong joh ayŏ kơ rim tơring.
Anih jang Pơtho Pơhrăm dêh char Quảng Ngãi adoi tŏk bŏk asong anih oei xa ăn kan ƀô̆ Kon Tum năm pơm jang, atŭm hăm noh hơmet sơng hloh 530 hŏk tro Kon Tum kiơ̆ unh hnam năm hŏk tơ̆ Quảng Ngãi đơ̆ng sơnăm hŏk 2025–2026.
Viết bình luận