Kơdră Quốc hội akhan, hrei ‘nâu kon pơlei, bơngai tăh hla tŏk bŏk chang gô bơ̆jang kiơ̆ pơm tŏ sĕt bơngai jang, bơ̆jang đei yua, ‘lơ̆ng. Yua kơ khei ‘năr âu ki, Đảng, Teh đak hlôi tơlĕch ăn lơ tơdrong tơchơ̆t vă pơm tŏ sĕt bơngai jang. Mă lei tơpă yan âu, tơdrong tơ jur oei tam mă gan ‘lơ̆ng, hơnhăk truh khŭl jang oei hơdrom băl, ƀiên chê̆ oei lơ. ‘Măng âu tơdrong bơ̆jang kiơ̆ pơm tŏ sĕt bơngai jang kiơ̆ tơdrong tơchơ̆t 18 ‘noh jĭ trong jang lăp hăm jơhngơ̆m kon pơlei. Đon tơchĕng đơ̆ng Đảng lăp hăm jơhngơ̆m kon pơlei.

‘Meh bơ̆jang kiơ̆ dôm tơdrong ‘nâu ‘noh jăl jang 2 tôch kơ pơmat. Pơmat ‘noh jĭ athei hơmet ming Khôi luơ̆t tơm teh đak. Kơdră Quốc hội pơma hơdăh, tơdrong hơmet ming Khôi luơ̆t tơm teh đak, jang pơkeh tơchơ̆t khôi luơ̆t păng dôm tơdrong hơgăt athei năm hơdrol 1 hơyak, vă pơm tơdrong ‘lơ̆ng trŏ luơ̆t kơjăp ăn pơgơ̆r bơ̆jang kiơ̆.