Lơ̆m đŏk tơbăt tơ̆ Pơm lêh hơpong, pơdong groong ƀŭ kơting rim ƀô̆ đô̆i lôch dŏng teh đak, yă Y Ngọc, Kơ iĕng Kơdră chĕp pơgơ̆r Hơnih vei lăng kon pơlei dêh char Kon Tum, Kơdră chĕp pơgơ̆r Hơnih chĕp pơgơ̆r 515 dêh char, sơkơ̆t hơdăh: Tơdrong lôch răm đơ̆ng rim mih ma hlôi tơgop pơm rơngei ăn Kon pơlei rim hơdrĕch hơdrung Lào tơ̆ hơnăp khul ayăt tơblăh pơjei păng hơmet pơ ‘lơ̆ng ăn teh đak Campuchia đơ̆ng chăl pơlôch rŭng kon bơngai; jing tơbăt ăn tơdrong hơrih sot lơ̆m jơhngơ̆m đon rim jơhnơr kơ rim bơngai Việt Nam adoi nhen Kon pơlei 2 teh đak boăl Lào, Campuchia. Iung jang tơdrong jang năm tơchă, kôch akŏm păng chơ brŏk rim kơting ƀô̆ đô̆i lôch dŏng teh đak tơ̆ Lào păng Campuchia, 6 khei pơyan phang sơnăm 2024-2025, Khul K53 dêh char Kon Tum kôch akŏm đei 26 kơl ƀô̆ đô̆i lôch dŏng teh đak. Lơ̆m ou tơ̆ Lào đei 16 kơl (dêh char Attapư 12 kơl, dêh char Chămpasắc 4 kơl) păng tơ̆ dêh char Ratanakiri, Campuchia 10 kơl.