Tơ̆ pơgơ̆r, đoàn viên, hơdruh tơdăm dêh char Kon Tum đei 22 nơ̆r apĭnh pơma tơbăt jơhngơ̆m đon hơpơi ‘meh vă, nơ̆r athei đei ƀơm truh tơdrong jang kiơ̆ rim trong bơ̆ jang, trong tơgum djru găh tơplih ‘nao tơchăr păng atŏk tơ iung mŭk drăm-tơpôl lơ̆m dêh char. Iung pơma tơ̆ pơgơ̆r, ƀok Nguyễn Hữu Tháp, Kơ iĕng kơdră Hơnih vei lăng kon pơlei dêh char Kon Tum sơkơ̆t hơdăh, khul kơdră chĕp pơgơ̆r dêh char tôch hơmŏ lơ̆m khul mơlôh. Vă iung jang ‘lơ̆ng hơnăp jang pơm jŭk yŭk trong hơlou đơ̆ng đoàn viên, hơdruh tơdăm, khul kơdră chĕp pơgơ̆r dêh char ‘meh vă rim hơnih Đoàn lơ̆m dêh char đei dơ̆ng lơ tơdrong jang pơting dih băl trŏ lăp, jơnei vă iung jang ‘lơ̆ng hloh dơ̆ng hơnăp jang, tơdrong tơgop, plang ăn đơ̆ng đoàn viên hơdruh tơdăm lơ̆m atŏk tơ iung khoa hŏk kmăi kmŏk, tơplih ‘nao kơsô̆ kơ dêh char.