

Choh jang sa tŏk hloh 20% pơtêng hăm khei ou sơnăm sơ̆, iŏk đei jơnei kơtang hloh đơ̆ng blŭng sơnăm. Tơdrong pơm tơlĕch păng tĕch mơdro ŭnh hơyuh hơnơ̆ng yak hơdrol hăm pơm tơlĕch đei hloh 2 ti 400 triu kWh, tŏk 16%. Mơdro sa, tơmang pơhiơ̆ jei hơmet pơ ‘lơ̆ng kơtang,. Akŏp tĕch mơdro tơmam drăm tŏk vă jê̆ 15%, tơmoi năm tơmang pơhiơ̆ lơ hloh mĭnh poăt pơtêng hăm sơnăm hơdrol. Mă kăl, thuê̆ ăn hơnih bơ̆ jang teh đak iŏk đei vă jê̆ 5.000 ti hlak jên, tŏk hloh 35% pơtêng hăm sơnăm sơ̆. Lơ̆m choh jang sa, mă đơ̆ng tim mă truh pơyan phĕ, rong kon tơrong hơnơ̆ng hơmet pơ ‘lơ̆ng kơtang, akŏp kon tơrong chă rong tŏk hloh 17%, ‘nhĕm kon tơrong tĕch tŏk vă jê̆ 6%. Bơ̆ jang tang găn pơrang jĭ păng rong hơlơ̆k dơ̆ng kon tơrong đei iung jang ‘lơ̆ng, sơđơ̆ng ‘lơ̆ng hơ iă hơnih jang rong kon tơrong.
Viết bình luận