Kơdră chĕp pơgơ̆r Teh đak Lương Cường hlôi ‘măn gơvang pơkao tơ̆ hơnăp rup man, pơma tơbăt jơhngơ̆m đon hôn bơnê kơ tang đơ̆ng Đảng, teh đak păng kon pơlei Việt Nam hăm bơngai hlôi pơjing đei tơdrong tơgoăt tơgoăl gĭt kăl Lào – Việt. Khul jei ‘măn mĭnh pơnĭt kŭp yom, năm tơmang lăng Hơnih mong răk mŭk drăm Kaysone Phomvihane păng mơ̆ng tơroi tơbăt găh tơdrong hơrih sa, tơdrong jang kĕch mang kơ Kơdră chĕp pơgơ̆r teh đak Kaysone. Lơ̆m kơsơ̆p hla bơar chih ƀlŏk hơdơ̆r, Kơdră chĕp pơgơ̆r teh đak Lương Cường chih tơbăt jơhngơ̆m đon chơt hơ iă đei năm tơmang hơnih mog răk dôm tơmam drăm pơsư̆ kơ mĭnh ‘nu bơngai boăl tih tên, tôch tơklep kơjăp hăm kon pơlei Việt Nam-bơngai hlôi tơgop pơjing đei tơdrong pơvei, tơgoăt tơgoăl gĭt kăl ƀar păh ƀar hơdrĕch hơdrung.