Kơdră teh đak Lương Cường pơma hơdăh Việt Nam ling lang tơgŭm ăn tơdrong iung tơblăh tôch trŏ vă iŏk rpngei ăn hơdrĕch hơdrung đơ̆ng kon pơlei Palestine; hơnơ̆ng tơgŭm ăn trong jang 2 teh đak, hăm 1 teh đak Palestine chĕp kơ̆l pơgơ̆r kơdih, arih xa hiôk hian hơdai hăm teh đak Israel, kiơ̆ trong pơm kiơ̆ ‘lơ̆ng khôi luơ̆t apŭng plenh teh păng dôm tơdrong tơchơ̆t đei ƀơm truh đơ̆ng Liên hợp quốc.

Tơ̆ jơ sơng, Kơdră teh đak Lương Cường păng Bơngai tang măt gĭt kăl ăn Kơdră tơm Palestine drơ̆ng nơ̆r tơ̆ hơnăp kơnh, athei adrin pơma nuh găh vă hơtŏk tơdrong jang hơdoi găh dôm tơdrong pran ‘lơ̆ng, lơ̆m noh hơnơ̆ng jang hơdoi kơjăp păng tơgŭm băl tơ̆ dôm hop akŏm, khul jang lơ pang lơ̆m apŭng plenh teh, mă loi ‘nŏh tơ̆ Liên hợp quốc; tơlĕch lơtrong jang hơdoi 2 pang păng hơtŏk tơdrong pơvei băl đơ̆ng dôm khul jang tơbôl, tơguăt kon pơlei vă hơtŏk đon hlôh vao băl đơ̆ng kon pơlei 2 teh đak.