Sơnăm âu, Akŏm đei lơ tơdrong kăp gĭt nhen: Năr akŏm Jang 'mêm bơnat kơ teh đak pơm kiơ̆ Tơdrong jang 'mêm bơnat pơyan Puih 2024 păng Puih mak jang 'Mêm bơnat 2025 tơ̆ dôm tơring tơnap tap, ƀơm răm đak 'mi kial đak hơbông pơrăm; Lêh pôk hơpah Jang 'mêm bơnat kơ jơ̆p teh đak sơnăm 2024 păng Lêh pôk bơnê kơ 200 Kâu lak ƀô̆ khul jang 'mêm bơnat hơgei tơ̆ dêh char Lào Cai.

'Nguaih kơ noh, dôm kâu lak ƀô̆ khul jang 'mêm bơnat gô đei pơhrăm gah tơdrong vei lăng, asong jang 'mêm bơnat. Lơ̆m tơdrong akŏm, đei pơdah Um rŭp pơm jang tơgŭm gơh hơgei; dôm tơdrong pơma đam kơ tơdrong jang. Đơ̆ng rŏng kơ lêh pơtơm, rim bơngai tang măt vang Akŏm pơma đam gah Tơdrong jang tơgŭm ăn tơdrong hơrih tơpôl; Tơplih kơsô̆ lơ̆m tơdrong jang 'mêm bơnat; Tơroh hăm dôm anih jang tơgŭm bơnat; Trong jang rơgei lơ̆m tơdrong jang tơgŭm bơnat.