Jang kiơ̆ Tơdrong tơchơ̆t kơsô̆ 18, găh Khul Đảng, dêh char Lâm Đồng hlôi pơm tơjur 54 hơnih jang păng tơjur 145 ‘nu kơdră chĕp pơgơ̆r tơ̆ apŭng, rim hơnih jang. Khul jang chĕp pơgơ̆r Teh đak jei pơm tơjur 113 hơnih bơ̆ jang lơ̆m dêh char, pơm tơjur 11 hơnih bơ̆ jang apŭng păng 115 hơnih jang ou to. Lơ̆m dêh char hlôi pơm kơtoei đei hloh 6.000 ƀiên chê̆. Hop akŏm hlôi pơma dơnuh kơtang, tơlĕch trong jang păng rim nơ̆r tơgop găh hơmet pơ ‘lơ̆ng hăm hơnih jang Đảng, Khul kơdră chĕp pơgơ̆r Đảng păng Khul jang chĕp pơgơ̆r tơring. Iung pơma pơtôch hop akom, ƀok Nguyễn Thái Học, Ƀĭ thư pơ gia kơ Hơnih Đảng dêh char Lâm Đồng sơkơ̆t hơdăh, khei năr kơnh, dêh char hơnơ̆ng tơlĕch jang kiơ̆ kơtang, hơmet ming lơ liơ vă khul kơdră chĕp pơgơ̆r dêh char đei kơ toei, bơ̆ jang gơ̆h hơgei, jơnei hơ iă.