Tơ̆ jơ sơng, Ƀok Kơdră teh đak Lương Cường pơma hơdăh Teh đak păng kon pơlei Việt Nam ling lang chih răk tơdrong tơgŭm kăp gĭt mă kon pơlei Tây Ban Nha hlôi ‘măn ăn kơ Việt Nam lơ̆m tơdrong jang Tơplih ‘nao păng pơjing ming dơ̆ng đơ̆ng rŏng tơblăh vang, kŭm nhen lơ̆m tơdrong jang hơtŏk tơiung teh đak hrei ‘nâu.

Vă hơtŏk dôm tơmam ‘lơ̆ng păng tơdrong pran đơ̆ng 2 teh đak, hơnhăk tơdrong pơvei Việt Nam - Tây Ban Nha roi ‘năr roi jrŭ să păng tơpă, 2 păh drơ̆ng nơ̆r hơtŏk loi dơ̆ng dôm ‘măng năm ngôi, tơƀơ̆p pơma dơnuh kơdră kơpal; tŭn pran jang hơdai găh khŭl lĭnh - sơđơ̆ng, mă loi ‘noh jĭ găh pơtho pơhrăm kang ƀô̆, sỹ quan Việt Nam, kơmăy kơmŏk khŭl lĭnh, vei lăng rơngei Liên hợp quốc, hơmet ming ‘lơ̆ng hiong răm đơ̆ng tơblăh vang tơ̆ Việt Nam, sơđơ̆ng mạng, iung jang tang găn pơm kơnê̆, pơm glăi klĕch teh đak, năm mơ̆t oei glăi.