Ƀơm truh tơdrong pơm hla ar pơjing anih tĕch mơdro, Anih tơm vei lăng jên hu chă hơlen năng păng ƀôh 1,2 tơdrong kăl đei hơmet ming mă lăp hăm tơdrong pơgơ̆r Khul kơdră tơring 2 tăl. Kiơ̆ kơ ‘nŏh, hơmet ming dôm tơdrong hơgăt ƀơm truh tơdrong jang, gơ̆h jang đơ̆ng anih pơm hla ar tĕch mơdro kơ dêh char, apŭng; tơdrong vei lăng thuê̆ hăm anih tĕch mơdro mưh hŭt lê̆ apŭng; chih hơmet hloi tơdrong hơgăt vă pơjao hơnăp jang ăn Anih vei lăng kon pơlei tơ̆ xăh pơm hla ar jang xa ăn Grŭp jang hơdoi, HTX, grŭp HTX păng unh hnam tĕch mơdro…

Phó Thủ tướng Nguyễn Chí Dũng drơ̆ng nơ̆r hăm nơ̆r athei đơ̆ng Anih tơm vei lăng jên hu chih tơmât dôm tơdrong ‘nao mă lăp hăm yăn âu mưh kăt tơjur khul kơdră pơgơ̆r pă 2 tăl; klăih song hơnăp jang, kăt tơjur tơdrong pơm hla ar, jang kiơ̆ trong pơm hla ar hăm kơmăy ƀơm truh tơdrong pơm hla ar pơjing anih tĕch mơdro. Phó Thủ tướng pơma hơdăh, Tơdrong hơgăt athei tơlĕch adrol kơ ‘năr 1/7.